LEZGÎN
الرئيسية / Nûçe / Artêşa Tirk êrîşî bajarê Serêkaniyê û Dêrikê kir

Artêşa Tirk êrîşî bajarê Serêkaniyê û Dêrikê kir

NAVENDA NÛÇEYAN – Dewleta Tirk beriya çend saetan êrîşî bajarê Serêkaniyê yê kantona Hesekê Û Dêrikê kir û beramberî vê yekê jî Hêzên YPG bersiva êrîşan dan û hate zanîn ku kuştiyên artêşa Tirkiyê çêbûn e.

Di çarçoveya êrîşên Tirkan de ku dixwaze bi çi awayî be Bakurê Sûriyê û bi taybet heremên ku ji aliyê Hêzên QSD ê ve têne kontrol kirin dagir bike. Di îlankirina Tirkiyê ya operasyona Şaxê Zeytûnê de ku armanca wê ewe ku derbasî Efrînê bibe û li paş jî dibêje rêza Minbicê ye.

Tirkiyê îro di saetên dawî de dest bi êrîşa xwe ya li ser bajarê Serêkaniyê bakurî Kantona Hesek kir, û di encamê de Hêzên YPG û YPJ bersiva êrîşan dan û li gorî çavkniyên leşkerî ji bajar ve hate zanîn ku ev çend saet şer didomin û pevçûn di riya sînor de pêk hatiye. Di encamê de kuştiyên artêşa Tirkiyê hene.

Di heman demê de bi pevçûna ku li Serêkaniyê çêbû de li aliyê bajarê Dêrik ê ve ya bi ser kantona Qamişlo ve jî li gundê Zihêriyê yê bi ser sînor ve êrîş ji aliyê Tirkiyê ve hate kirin û di encama bersivdayîna Hêzên YPG ê de pevçûn derket, lê derbarê dateyên êşrîşê de agahî ne hatine zanîn.

Ev 6 heyvin ku ji aliyê Berpirs, Serok û Rêveberên Tirkiyê ve daxuyaniyên dagirkirina Herêma Efrînê têne dayîn, naveroka wan daxuyaniyan ewe ku welatê wê di xetera terorê de ye, Emê nehêlin heremke Kurdî avabibe û em sînorê xwe diparêzin ango ev herêm herêmeke ya kêm pevçûne ye.

Lewra di 20 çileyê de ji aliyê artêşa Tirkiyê ve û komên çekdar ên girêdayî wê ji heremên Idlib û Ezaz û hwd din ve topbaran û êrîşa li ser Efrînê bi belafiran û topan hate destpêkirin.

Lê di rastiya ku derdikeve holê de û li gorî çavkaniyên herêmî hate eşkere kirin ku Tirkiyê him li Efrînê, Minbicê, Kobanê, Girê Spî û Serêkaniyê tevgera xwe zêde kiriye û sewqiyateke leşkerî ber bi sînorê Bakurê Sûriyê de aniye.

Li gorî anlîzvanên siyasî hate zanîn ku Tirkiyê armanca wê ya sereke xerakirina aramiya li Bakurê Sûriyê ye û ev yek bi kirîz û aloziya Tirkiyê ya hundirîn ve îfade kirin.

22.01.2018

Rojev24

شاهد أيضاً

Ji bo piştgiriya jinên malbatên xwe di şer de winda kirine, komeleyek hate vekirin

Komîteya Jinê ya Meclisa Malbatên Şehîdan a Bakur û Rojhilatê Sûriyê bi armanca piştgiriya jinên …

اترك تعليقاً