LEZGÎN
الرئيسية / Nûçe / Li Efrînê Tirkiyê derbeyên giran dixwe – Infographic

Li Efrînê Tirkiyê derbeyên giran dixwe – Infographic

EFRÎN – Bi derbasbûna sê rojan a topbaran û dagirkirina Tirkiyê ji herêma Efrîn û Şehba re, bîlançoya windahî û zirara ku Tirkiyê pêk aniye hate diyar kirin.

Li gorî çavkaniyên ji nava Herêma Efrînê de û şopandina rewşa heyî li wê deverê. Hate ragihandin ku di nava sê rojan de ji êrîşên artêşa Tirk de ku destpêkê sivîl têne armanc kirin 18 sivîl şehîd bûn û 23 jî birîndar bûn, ji aliyekî din ve jî hate eşkere kirin ku di encama bersivdayîna Hêzên QSD ê ji êrîşan re 72 leşkerên Tirk hatin kuştin û ji ber tengaviya wan ji leşkeran û komên çêkdar yên Tirkiyê 50 kes esîr ketine destê Hêzên QSD ê de.

Dewleta Tirk ku dixwest ji bejahî ve û bi taybet ji Ezazê derbasî Efrînê bibe rastî bersiva Hêzên QSD ê hat û di encama şerê 3 rojan de 8 tang û belagfireke keşfê ya Tirkiyê hate rûxandin.

Hêjayî bibîr xistinê ye ku ev derbasî roja 4 an dibe ku Tirkiyê operasyona bi navê Şaxê Zeytînê ragihandiye ku dixwaze Efrîn ê dagirbike. Beramberî van êrîşan jî Hêzên Parastinê li Efrînê Ceyîş El Siwar, YPJ û YPG ku di bin ban ê QSD ê de ne di 21 Çileyê de operasyona Şoreşgerî ji bo Efrînê destpêkirin e.

Heta vê kêliyê li Herêma Efrînê topbaran ji aliyê Tirkiyê ve didome, û ji aliyê hêza parastinê ve jî bersiv tê dayîn û derbeyên giran li wan dixin, herî dawî jî gundên Til Qestelê û Birsaya ji aliyê Hêzên QSD ê ve hatin vegrandin.

Niha rewşa ku li Efrînê diqewmie ewe ku ji aliyê Tirkiyê ve bi belafiran li Til Cîcan li Şehbayê û Efrînê li navçeya Raco tê topbaran kirin. Li gorî çavkaniyên herêmî li Şehbayê 15 çekdar hatin kuştin û erebyek hate imha kirin, her wiha li Rcoyê 24 çekdar hatin kuştin.

(Rêbaz Azad)

23.01.2018

Rojev24

شاهد أيضاً

Ji bo piştgiriya jinên malbatên xwe di şer de winda kirine, komeleyek hate vekirin

Komîteya Jinê ya Meclisa Malbatên Şehîdan a Bakur û Rojhilatê Sûriyê bi armanca piştgiriya jinên …

اترك تعليقاً