LEZGÎN
الرئيسية / Jin / BERXWEDANA SERDEMÊ: “Heyanî Efrîn rizgar bibe em ê têbikoşin”

BERXWEDANA SERDEMÊ: “Heyanî Efrîn rizgar bibe em ê têbikoşin”

NAVENDA NÛÇEYAN-Jinên Efrînê di pêvajoya duyemîn a hemleya `Ji bo jinên Efrînê serî hildin` destnîşankirin ew ê heyanî Efrîn rizgar bibe li hemberî dagirkeriyê têbikoşin.

Efrîn ji destpêka aloziya Sûriyê ve hemû pêkhateyên Sûriyê hembez kir û bû herêmeke bi ewle ku koçber lê diman. Dewleta Tirk a dagirker bi awayekî hovane êrîşî Efrînê kirin. Di encama êrîşê de bi hezaran şêniyên Efrînê 18`ê adarê 2018`an neçarî koçberiyê bûn. Artêşa Tirk a dagirker jêrzemînên Efrînê, ciyên dîrokî, gorên olî û ciyên pîroz yên Efrînê bombebaran kirin. Ji 20’ê Çileyê dema destpêkirina êrîşa ji bo dagirkirina Efrînê û vir ve 259 sivîl hatin kuştin; 56 ji van jin, 46 jî zarok in. 707 sivîl jî birîndar bûn; 104 jê jin, 155 jî zarok in. Piştî dagirkirinê herî kêm 119 jin li Efrînê hatin revandin. Ev yek tê wê wateyê ku destdirêjî û destavêtin li sedan jinan hatiye kirin
Kongreya Star pêvajoya duyemîn a hemleya `Ji bo jinên Efrînê serî hildin` bi riya daxuyaniyekê bi dawî kir.

Bi dehan jinên navçeya Fafînê ya kantona Şehba li hevdû kombûn û daxuyanî bi zimanê erebî, kurdî û ingilîzî xwendin. Daxuyanî ji aliyê endama Kongreya Star Henîfe Xelîl bi zimanê kurdî, Emîne Osman bi zimanê erebî û Neda El-Hisên bi zimanê ingilîzî ve hat xwendin.

Daxuyanî wiha ye:

˝ Efrîn ji destpêka aloziya Sûriyê ve hemû pêkhateyên Sûriyê hembez kir û bû herêmeke bi ewle ku koçber lê diman. Dewleta Tirk a dagirker bi awayekî hovane êrîşî Efrînê kirin. Di encama êrîşê de bi hezaran şêniyên Efrînê 18`ê adarê 2018`an neçarî koçberiyê bûn. Artêşa Tirk a dagirker jêrzemînên Efrînê, ciyên dîrokî, gorên olî û ciyên pîroz yên Efrînê bombebaran kirin.

Niha li Efrînê kiryarên dewleta Tirk a dagirker û çeteyên wê li ser gelê Efrînê didomin. Şêniyan direvînin û li beramberî wê pere dixwazin. Tirkiyê malbatên Xûta li Efrînê bi cih kir û niha ew malbatên ku dixwazin vegerin herêmên xwe gundewarên Şamê, Tirkiyê destûr nade wan ku vegerin. Tirkiyê dixwaze guhertineke demografî li herêma Efrînê pêkbîne.

Em weke jinên ku di encama dagirkeriya Tirkiyê û çeteyên wê de me gelek ziyan dît em ji Netewên Yekbûyî dixwazin ku destwerdana Tirkiyê li Efrînê bike û wan ji xaka me derxîne, her wiha em bang li rêxistin jin û rêxistinên Mafên Mirovan dikin ku mafên jinên Efrînê biparêzin û dawî li kiryarên Tirkiyê û çeteyên wê li Efrînê bînin.

Em bang li dadgehên navnetewî dikin ku sûcên Tirkiyê û kiryarên wê li ser gelê Efrînê belge bikin, jinên cîhanê jî mafên jinan bixwazin û li hemberî dîktatoriya Tirkiyê û hikûmeta wê bisekinin.

Em ê têkoşîna xwe li hemberî dagirkeriya Tirkiyê û çeteyên wê berdewam bikin, em xwediyê axê ne û Efrîn dê ya xwediyê xwe be˝.

18.06.2018

Rojev24

شاهد أيضاً

Rûsya û Turkiye li ser Idlibê û Bakurê Sûriye negihştin formekê

NAVENDA NÛÇEYAN- Hikûmeta Rûsyayê ragihand, ew razî nînin Turkiye “herêma aram” ya ku li nav …

اترك تعليقاً