LEZGÎN
الرئيسية / KRONOLOJIYA ROJANE / NÛÇEYÊN SEREKE YÊN ROJANE

NÛÇEYÊN SEREKE YÊN ROJANE

ROJAVAYÊ KURDISTAN Û SÛRÎ:

*Artêşa tirk û çeteyên wê welatiyekî din ji Efrînê revand û ber bi cihekî nediyar ve bir.

* Berpirsekî (MSD) ragihand ku di demeke nêzîk de ewê careke din seredana Şamê bikin û li gel berpirsên rêjîmê bicivin.

*Li bajarokê Sermeda yê girêdayî Idlibê, depoyeke cebilxaneyê ya çeteyên dewleta tirk teqiya.

* Şandeyeke Amerîkayê bi serokatiya ٍSefîrê Amerîkayê berê li dewleta Behreyn William Robak serdana bajarê Reqayê kir û bi endamên Meclisa Sivîl a Reqayê re civiya.

* Endamê Komeleya Catholic û Buroya MSD‘ê ya taxa Şêxmeqsûd a Helebê Josef Qebelan tekezî li ser girîngiya xurtkirina diyalogên Sûrî-Sûrî kir û bang kir ku beşdarî kongreyên hundirîn ên çareserkirina aloziyê bibin. Tekez kir ku kongreyên derve tu encamê nagirin.

BAKURÊ KURDISTAN Û TIRKÎ:

* Gerîlayên HPG’ê li Sêrtê qada Herekolê, li girê Şehîd Canxurt li dijî leşkerên Tirk çalakiyek kirin. Di encamê de 4 leşkerên Tirk hatin kuştin.

* Hevserokê Partiya Herêman a Demokratîk (DBP) ê navçeya Çûkûrovayê Haydar Yuksel li Edîrneyê hate girtin.

*Ekonomîst Mustefa Sonmez bal kişand ser krîza aborî ya li Tirkiyeyê û diyar kir ku piştî Arjantînê Tirkiye bûye welatê herî birîsk û ne pêkan e ku rejîma yekzilamî xwe ji vê krîzê xilas bike.

BAŞÛRÊ KURDISTAN Û IRAQ:

*Piştî ku encamên teqez ên hilbijartinên 12’ê Gulanê hatin ragihandin çar partiyên Kurdistanê  Tevgera Goran, Îslamî Yekgirtû, Komala Îslamî û Tevgera Demokraîsî û Dadê encamê hilbijartin red kirin.

* Supasalarê Pêşmerge (Cemal Êmînkî) eşkere kir ku hêzên Pêşmerge ha ji liv û tevgerên Heşda Şeibî li sengeran hene û got: Kişandina çekdarên Heşdê nayê wê wateyê ku ew senger valakirin e.

*Nûnerê Hikûmeta Herêma Kurdistanê li Îranê gotinên Serokwezîrê Iraqê Heyder Ebadî di derbarê cezayên bi ser Îranê de û helwesta Iraqê li gel wan cezayên Amerîkayê yên li dijî Îranê bi karekî lez bi nav kir.

*Endamekî Hevpeymaniya Fetih ragihand ku Amerîka gefan dixe ser aliyên siyasî ji bo ku Heyder Ebadî careke din jî bibe serokwezîrê Iraqê.

*Desteya Heşda Şebî, biryara hilweşandina hin mîlîşyayên xwe li çend navçeyên Kurdistanî û (rojhilat û rojavayê) parêzgeha Nînewa û çend navçeyên din derxist û tevahiya desthilatdariyê radestî yek kesî kir.

*Perlemanterê Dewleta Yasa di Perlemana Iraqê de (Mihemed Seyhûd) pêşbînî kir, ku Hikûmeta dahatî ya Iraqê tenê şeş mehan dom bike û piştre ji ber nakokiyên siyasî biherife.

*Xwepêşanderên parêzgeha Besera, riya sereke ya dergeha Sefwan ya sînorî li gel Kiwêtê girtin û rê nedan kemyonan ku derbas bibin.

ROJHILATÊ KURDISTAN Û IRAN:

*PJAK’ê bal kişand ser girîngiya avakirina Meclîsa Neteweyî ya Demokratîk a li Rojhilatê Kurdistanê û bi 10 xalan bang li hemû hêz û rêxistinên li rojhilat kir.

CÎHAN:

*Rayedarên Urdunê ragihand ku şaneyeke terorîst ku destê wê di êrîşa li dijî dewriyeke ewlehiyê li rojavayê Umanê de heye, di çalekiyekê de 3 endamên şaneya terorîst hatin kuştin û 5 endamên din jî li bajarê El-Selt hatin girtin.

*Li gorî texmînên Neteweyên Yekbûyî, di şerê heft salan de xisarek ji 388 milyar dolarî li Sûriyeyê bûye.

*Li dijî populîzma rastgir ku li Elmanyayê zêde bûye, bi pêşengiya Seroka Koma Partiya Çep tevgereke nû ya çep rû da. Tevgerê ji niha ve gelekî bal kişand.

*Ispanya û Almanya riyeke hevbeş ji bo çarekirina kêşeya penaberan dîtin û herdu aliyan li ser çawaniya vegerandina penaberan lihev kirin.

12.08.2018

Rojev24

 

شاهد أيضاً

Rûsya û Turkiye li ser Idlibê û Bakurê Sûriye negihştin formekê

NAVENDA NÛÇEYAN- Hikûmeta Rûsyayê ragihand, ew razî nînin Turkiye “herêma aram” ya ku li nav …

اترك تعليقاً