LEZGÎN
الرئيسية / Nûçe / Êrîşên dagirkeriya dewleta Turk 300 zarok qetil kiriye

Êrîşên dagirkeriya dewleta Turk 300 zarok qetil kiriye

NAVENDA NÛÇEYAN- Rêxistina Mafên Mirovan a Efrînê da zanîn ku di encama êrîşên dagirkeriya dewlet Turk û çeteyên wê ya li ser Efrînê de zêdeyî 300 zarok jiyana xwe ji dest dane û ev yek jî weke sûcê şer dest nîşan kir. Rêxistinê bi taybet bang li UNICEF û rêxistinên hiqûqî kir ku tenê di çarçoveya eşkerekirina rapor û şermezarkirinê de nemînin.

Dewleta Turk a dagirker û çeteyên wê di 18’ê Adara 2018’an Efrîn dagirkirin û ji wê kêliyê ve li dijî sivîlan sûcên şer û dermirovî pêktînin. Piştî ku bi hezaran şêniyên resen dan koçberkirin jî, dev ji kiryarên xwe berneda û herî dawî 2’ê Kanûnê li hemberî zarokên Efrînî yên li Til Rifetê komkujî pêk anî û 8 jê zarok bi giştî 10 kes şehîd bûn. Her wiha 12 kes jî birîndar bûn.

Rêxistina Mafên Mirovan a Herêma Efrînê jî tekez kir ku Turkiyê ji destpêka êrîş û dagirkeriyê ve zêdeyî 300 zarok kuştin û birîndarkirine.

Hiqûqnas Heyhan Elî got: Em sûcên Turkiyê û çeteyan belge dikin û em ê bighînin aliyên têkildar

Endama Rêxistina Mafên Mirovan a Herêma Efrînê Heyhan Elî jî li ser binpêkirinên dewleta tirk û êrîşên wê yên li dijî mafê mirovan axivî. Heyhan Elî dest nîşan kir ku kiryarên Turkiyê û çeteyên wê li gorî navnetewî sûcên şer in.

Heyhan bi bîr xist ku herî zêde zarok para xwe ji van sûcan digrin û sûcên li dijî Mihmed Seydo Xelîl yê 10 salî, ferzkirina zimanê Tirkî li dibistanan û revandina ji bo xwestina fidyê weke mînak dest nîşan kir.

Heyhan Elî diyar kir ku ew sûcên Turkiyê û çeteyên wê belge dikin da ku bighînin aliyên têkildar.

Endama Rêxistina Mafên Mirovan a Herêma Efrînê Heyhan Elî diyar kir ku wan sûcên dewleta tirk û çeteyên wê belge kirine û bang li rêxistinên hiqûqî û mirovî, bi taybet UNICEF kir ku bi lez destwerdanê bikin û tenê bidayîna raporan re sînordar nemînin.

10.12.2019

Rojev24

شاهد أيضاً

Ji bo piştgiriya jinên malbatên xwe di şer de winda kirine, komeleyek hate vekirin

Komîteya Jinê ya Meclisa Malbatên Şehîdan a Bakur û Rojhilatê Sûriyê bi armanca piştgiriya jinên …

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *