Di şerê 24 saetên dawiyê de 34 çete hatin kuştin

REQA – Li 7 taxên bajar Reqayê pêşveçûnên şervanên QSD`ê dewam dikin. Di şerê 24 saetên dawiyê de 34 çete hatin kuştin û li taxa rizgarkirî di encama operasyona paqijkirinê de gelek cebilxane kete destê şervanan.

Pêngava Rizgarkirina Reqayê di roja 61`an de bi hemû lez xwe dewam dike.

Şervanên QSD’ê ku şeva din piştî şerekî giran taxa EL-Kerîm bi temamî ji çeteyan paqij kirin, li taxê 14 çete hatin kuştin û termê gelek ji wan li kolanên taxê ne. Her wiha di encama operasyona paqijkirinê li taxa nav borî de, gelek cebilxaneyên çeteyan kete destê şervanan.

Li taxên Berîd û Nehda yên li aliyê bakur- rojavayê bajar, şer dewam dike. Di vî şerî de du jê sekvan 8 çete hatin kuştin.

Li taxa Rewda ya aliyê bakur- rojhilatê bajêr jî, êrîşa çeteyan ji aliyê şervanên QSD`ê ve hate valaderxistin. Di vî şerî de 5 çete hatin kuştin.

Li taxa Reqa Kevin jî, li derdora Mizgefta El-Etîq şer rû da. Li vir jî 4 çete hatin kuştin.

Li navenda taxa Nezlit Şihadê ya aliyê baûşrê Reqayê, 3`yê çeteyên DAIŞ`ê ji aliyê sekvanên QSD`ê ve hatin kuştin.

12:40-06.08.2017

Rojev24