Hemleya Reqayê: DAIŞ tengav dibe, 19 çete hatin kutşin

REQA – Di berdewamiya şerên li Reqayê roj bi roj çeteyên DAIŞ ê tengav dibin, û şervan bipêşve diçin.

Hemleya Rizgarkirina Reqayê bi pêşketinên şervanên QSD`ê di hundir bajarê Reqayê de dewam dike. Li gorî agahiyên ku ji Reqayê hatin girtin şervanên QSD`ê li hin cihan bi pêşve çûn û çeteyên DAIŞ`ê roj bi roj tengav dibin.

Di vê çarçoveyê de, li taxa Emîn û Hena yên naverasta bajarê Reqayê û li derdora Goristana Hitîn û çerxereya Eldela û Neîm şer dewam dike.

Her wiha li taxa Nehda ya aliyê rojava yê Reqa û li taxa Endelos a aliyê bakurê bajarê, şer didome.

Di şerên ku heta niha li herêmên navborî dewam dike de, 19 çeteyên DAIŞ`ê hatin kuştin û gelek mûşek û erebeyeke bombebarkirî ya çeteyên DAIŞ`ê ketin destê şervanên QSD`ê.

Di şerên li wan herêman de 5 şervanên QSD`ê şehîd bûn.

32.09.2017

Rojev24