ROJEV 24 Rastî Di Rojeva Me De Ye
NAVENDA NÛÇEYAN – Di berdewamiya êrîşên dewleta Tirkiyê ya li ser Bakurê Sûriyê û daxwaza wê ya derbasbûa Herêma Efrînê, di nav heftiyekê de 5 êrîş li ser wê heremê birine, û ji aliyekî din ve jî êrîşên xwe li aliyê herêma Minbicê jî didomîne, artêşa Trkiyê rastî bersivdayîna Hêzên YPG û YPJ tên û di encamê de gelek çete hatin kuştin.
Di heftiyekê de dagirkeriya Tirkiyê ev êrîş kirine:
Di 29 Kanûna 2017 an de, êrîşkarekî xwekuj ji koma ʺMertala Firatêʺ a girêdayî artêşa Tirk a dagirker bi motorsîkleteke bombebarkirî êrîşî bendeke kontrolê ya El-Xetaf ya Hêzên Ewlekariya Hundirîn a Rojhilatê bajarê Minbicê kir. Di encamê de ziyanên madî çêbûn û du endamên Hêzên Ewlekarî Hundirîn şehîd bûn.
Di 30 Kanûna 2017 an de Komên çete ku piştgiriya xwe ji dagirkeriya Tirk werdigrin ji gundê Kefer Xaşir û bajarê Ezazê êrîş birin ser gundên Eyn Deqnê û Merenaz û Girê Qestel Cindo yên navçeya Şera ya Efrînê. Çeteyan 10 topên hawanê avêtin van gundan. YPG/ YPJ bersiv dane jêderên êrîşan û bi çekên giran ew hedef girtin. Li gorî çavkaniyên ji nava YPG’ê 7 çete birîndar bûne, lê nehate zanîn gelo di nava çeteyan de kuştî hene an na.
Di 2 Çileyê de, Artêşa Tirk a dagirker li herêma bakurê Helebê ku dikeve ser tixûbên kantona Efrînê fûzayên sîstema parastina asîmanî bi cih dike.
Di 3 Çileyê de artêşa Tirk li gundê Balîlo yê Bakurê Kurdistanê yê li hember çiyayê “Gir” hêza xwe ya leşkerî zêde kiriye, 5 topavêj û 3 bircên çavdêriyê li wir bi cih kirine û di her bircekê de 3 sekvan hene.
Li aliyekî din jî artêşa Tirk a dagirker lêkirina dîwarê şermê di navbera gundê Baliya yê dikeve navçeya Bilbilê û gundê Mercûq a Bakurê Kurdistanê de didomîne. Li herêmê dirêjiya dîwar gihîştiye 5 km.
Di 3 Çileyê de çeteyên artêşa Tirk a dagirker êrîşî sînorê herêma Efrînê kirin û di encama bersivdayîna şervanên YPJ/YPG û Hêzên Şoreşger de du çete hatin kuştin û 5 jî birîndar bûn.
04.01.2018
Rojev24
