LEZGÎN
الرئيسية / Nûçe / ElEbdela: Bagera Cizîrê bi awayekî demkî rawestiyaye

ElEbdela: Bagera Cizîrê bi awayekî demkî rawestiyaye

NAVENDA NÛÇEYAN- Berdevka Fermî ya Hemleya Bagera Cizîrê Lîlwa El-Ebdela diyar kir ku hemelya wan a li gundewarên Dêrazorê ya li dijî komên çete yên DAIŞ’ê bi awayekî demkî hatiye rawestandin û wiha got: “Sedema rawestandina Bagera Cizîrê jî kişandina hêzên me ya ji rojhilatê Firatî ye da ku em bersiva êrîşên Artêşa Tirk bidin. Tirkiyê bi êrîşên xwe yên li ser Efrînê dixwaze temenê DAIŞ li herêmê dirêj bike.”

Berdevka Fermî ya Bagera Cizîrê Lîlwa El-Ebdelah têkildarî geşedanên dawî yên hemleya Bagera Cizîrê ji ajansa (ANHA) re axivî û wiha got hemleya Bagera Cizîrê ku di 9’ê îlona 2017 an de ji bo rizgarkirina gundewarên rojhilatê Çemê Firatê û Başûrê Hesekê hate destpêkirin, niha bi awayekî demkî hate rawestandin.

Êrîşa li ser Efrînê bandorek neynî li Bagera Cizîrê kiriye’

Berdevka Bagera Cizîrê Lîlwa El-Ebdela di berdewama axaftina xwe de jî wiha got: “Di xetên pêş ên di navbera şervanên QSD’ê û çeteyên DAIŞ’ê de niha şer hema bêje rawestiyaye. Ev ji ber êrîşa dewleta Tirk a li ser Efrînê wiha bû. Ji ber vekşandina hêzên me ji rojhilatê Firatî û beşdarbûna wan di Berxwedana Serdemê de sedemek girîng a rawestandina Bagera Cizîrê bû, çete hîn jî di herêmeke biçûk a rojhilatê Firatê de hatine çemberkirin. Çete her di navber dem û demê de êrîşî noqteyên hêzên me yên QSD’ê dikin. Hêzên me bersiva êrîşên li ser herêmên hatine rizgarkirin, pêk tên didin.”

Lîlwa her wiha da zanîn ku êrîşên dewleta Tirk a li ser Efrînê xizmeta çeteyên DAIŞ’ê kir û wiha got: “Ji xwe armanca Armanca Artêşa Tirk bi van êrîşan dirêjkirina temenê çeteyan a li Sûriyê ye. DAIŞ ev rewş qezenc kirye, ji ber wê carcaran êrîşî noqteyên şervanên me dikin. Hêzên me jî ji bo parstina sivîlan bi giranî tevdiger in.”

Zeviyê ElUmer dê radestî Rêjîma Sûriyê neyê kirin’

Li ser hin îdayên ku dibêjin ku QSD’ê Zeviyê ElUmer radestî hêzên rêjîmê û Rûsiya bike jî Berdevka Fermî ya QSD Lîlwa El-Ebdela wiha got: “herêmên ku bi saya berxwedan û fedekariya şehîdên me hatiye rizgarkirin, em ê bi tu awayî dest jê bernedin û ji tu kesî re nehêl in.”

18.03.2018

Rojev24

شاهد أيضاً

Ji bo piştgiriya jinên malbatên xwe di şer de winda kirine, komeleyek hate vekirin

Komîteya Jinê ya Meclisa Malbatên Şehîdan a Bakur û Rojhilatê Sûriyê bi armanca piştgiriya jinên …

اترك تعليقاً