LEZGÎN
الرئيسية / Nûçe / Rêveberê ENKS`ê Ismail: Em li Efrînê bi dewleta tirk re dixebitin

Rêveberê ENKS`ê Ismail: Em li Efrînê bi dewleta tirk re dixebitin

NAVENDA NUÇEYAN – Ji Rêveberê PDK-S’ê yê girêdayê Encumena ENKS’ê Mihemed Ismaîl, di hevpeyvîna xwe ya bi Rûdaw TV re lixwe mikûr hat ku ew bi “Meclîsa Sivîl a Efrînê” ku ji aliyê dewleta tirk û komên çete ASA ve hatiye avakirin re dixebitin. Mihemed ku hemû zext zordarî, dizî, talanî, şewitandin, îşkence, girtin, revandin û kuştina ser gelê Efrînê ligel hemû belge, wêne û dîmenan hatine îspatkirin nedît, weke her carê dîsa ya PYD’ê bi zext û zordariya li ser endamên partiya xwe tewanbar kir.

Rûdaw TV ku yek ji qenalekî li ser talîmata MÎT û PDK’ê weşangeriyê dike, di tora xwe ya nuçeyan de bi Endamê Rêvebirê Bîroya Siyasî ya Partiya Demokratîka Kurdistanê ya li Suriyê (PDKS) ya girêdayê Encumena Niştîmaniya Kurdistana Sûriyê (ENKS) ya li Qamişlo Mihemed Ismaîl re hevpeyvîneke derbarê rewşa wan di Efrînê de pêk tîne. Ismaîl, di hevpeyvîna xwe de li xwe mikûr tê ku ew wek e li Efrînê hem di avakirina “Meclîsa Sivîl a Efrînê” ku di meha Adarê de bi civînekî li bajarê Dîlokê (Entabê) bi beşdariya MÎT, rayedarên AKP’ê û MHP’ê û her wiha komên çete yên ASA re pêk hat de hatibû avakirin de bûne û hem jî niha di xebatên li Efrînê tên meşandin de cih digirin. Ismaîl, aşkere kir ku xebatên wan ên meclîsê di bin kontrola dewleta tirk de tê kirin û ligel piştî 18’ê adarê ku ji aliyê dewleta tirk û komên ASA ve hat dagirkirin û şûnde PYD ji Efrînê derketibû jî, dîsa ya PYD’ê li hember xebatên xwe astengker tawanbar dike.

Kiryarên dijmirovahî ya ASA yê nedît dîsa PYD tawanbar kir

Ismaîl, destnîşan dike ku ew wek e buroyeke siyasî ya kurdî bi “Meclîsa Sivîl a Efrînê” re di Efrînê de xebat dimeşînin û lixwe mikur hat ku xebatên wan û meclîsê di bin kontrola dewleta tirk de tê meşandin. Rêveberê PDKS’ê Mihemed Ismaîl ku hemû cure kiryarên dijmirovahî yên wekî dizî, talanî, wêranî, şewitandin, revandin, îşkence, girtin, tacîz, tecawiz û kuştina gelê Efrînê yên çeteyên ASA ya girêdayê dewleta tirk ji nedîtî ve tê, berovajê wê ya PYD’ê ku ji 18’ê adarê ve ji Efrînê derketiye tewanbar dike.

Di vê hevpeyvînê li ser telefonê de bi xwe derbarê beşderbûna wan a mecilsên ajan ên herêmî yên li Efrînê û dibin rêveberiya tirkiyê de eşkere dikin. Di heman hevpeyvînê de Ismaîl piştî dagirkirina Efrîn ji aliyê tirkan ve û derbasbûna PYD`ê Şehabayê careke din PYD`ê bi meşandina zext û zorê li ser gelê Efrînê û bi taybet li ser endamên wan di hundir Efrînê de tewanbar dike.

Ismaîl, di hevpeyvîna xwe ya bi televizyonê re ev tişt gotin: “Endamên partiya me û hevalên me li Efrînê cihê xwe di nava xebatên Meclîsa Sivîl a Efrînê de digirin. Ji ber ku di bin qontrola tirkan de ye ew nikarin bi biryarên xwe tevbigerin. Ji ber ku ev meclîs ji aliyê dewleta tirk ve hatiye avakirin. Lê herî zêde ev meclîs ji aliyê PYD’ê ve di bin zextê de ne û hedef tên girtin. Ji bo wê jî em zêde nikarin xwe bigihijênin her derî.”

Dewleta tirk bi komên çete yên ASA re, di 20’ê çileyê de bi 72 balafirên şer êrîşa ser Efrînê dabû destpêkirin û 58 rojan di 18’ê adarê de bi dagirkirinê encam bibû de, bi bombebaranên hewayî û bejahiyê de zêdetirê 600 sivîl hatin qetilkirin, hezarî zêdetir birîndar bûn, gelek xanî, kargeh, bax û baxçe hatin rûxandin. Rêveberiya Kantona Efrînê ji bo zirar negihije sivîlan bi hemû hêz, sazî û tezgeh û bi sed hezaran gel ji Efrînê tahliye bûn û li Kantona Şehbayê di 3 kampên hatin avakirin de bi cih bûn. “Meclîsa Sivîl a Efrînê” ku li bajarê Dîlokê (Entabê) di bin serweriya MÎT, rayedarên AKP, MHP û fermandariya komên ASA de hatibû avakirin, rêveberiya ENKS’ê bi taybetî jî PDKS di navê de aktîf cih girtibû.

13.08.2018

Rojev24

شاهد أيضاً

Ji bo piştgiriya jinên malbatên xwe di şer de winda kirine, komeleyek hate vekirin

Komîteya Jinê ya Meclisa Malbatên Şehîdan a Bakur û Rojhilatê Sûriyê bi armanca piştgiriya jinên …

اترك تعليقاً