Li Tirkiye bi dehan buyerên xwekuştinê encam didin

NAVENDA NÛÇEYAN-Ji ber qeyrana aborî, ragêşiyên siyasî, û siyaseta AKP’ê ya qirker û çend sedemên din li Tirkiyê xwekuştin gihîştiye asteke pir mezin.

Derbarê van buyeran de hate zanîn ku li Stenbolê 3 xwîşk û birayekî û li Antalya jî malbateke ji 4 kesî siyanur vexwerin û dawî li jiyana xwe anîn. Piştre li Çanakkaleyê jî ciwanekî bi kêşana gaza helyumê xwe kuşt, ev bûyerên xwekuştinê gîştî di ferzê 4 rojan de qewimî, ku di nava civaka Tirkî de rêjeya xwekuştinê pir bilind bûye, û hikûmeta Turkiyê tu çareyekê ango tiştekî derbarê vê yekê de nake, berovajî wêna Mediya Tirkî van bûyeran vedişêre û qet belavnake, ji ber ku ev jî dikevin di nav xana kiriyar û tunderewên hikûmeta Tirk de.

Li gorî aliyên peywendîdar, navê kuştiyên Stenbolê wiha ne: Cuneyt, Oya, Yaşar û Kamûran li taxa Fatîh a Stenbolê dijiyan û herçar jî bêkar bûn. Nameyek li dû xwe hiştine û têde diyar kirine, ku wan bi siyanurê xwe kuştine.

Her wiha li Antalya yê malbateke ku ji bav, keç, kur û dayik pêk tê, ew jî bi heman şêweyê mirî hatin dîtin. Wan jî siyanur vexweribûn û nameyek li paş xwe hiştibûn. Selîm Şîmşek ku bavê du zarokan e di nameya xwe de dibêje, “Êdî tiştekî ku me karibû bikira tunebû, û dawî li jiyana xwe û zarok û hevjîna xwe anî.

Hate dest nîşan kirin ku rêjeya kuştiyên hefteya derbasbûyî gihişte 10 kesan ku ev tenê yê gihiştine me.

19.11.2019

Rojev24